شرح خطوات الهجرة لأستراليا ومتطلباتها بالتفصيل لكافة التخصصات
اولا الهجرة لاستراليا فيها ميزة أو عيب لدى بعض الناس وهي انك نش هتقدر تقدم ابليكاشن من غير ما تعادل الشهادة بتاعتك. الميزة في كده انك بتكون جاهز للعمل في مجالك على طول من غير تعب وعناء.
الميزة التانية هي ارتفاع المرتبات بشكل غريب بس للاسف ضرايب عالية جدا.
الميزة التالتة هي الجو المناسب للمصريين.
واهم عيب فيها انها بعييييييييييييد
قبل ما حد يفكر في الموضوع اساسا لازم يعرف لوكان هيتوافق عليه مبدئيا ولا لأ. وده تحت شروط وهي:
1)السن: لازم يكون اقل من 45
2)الوظيفة لازم تكون مطلوبة .
3)اللغة: على الأقل يكون الاسكور 6 في كل الفروع الاربعه في ال ielts
او طبعا بما انك لازم تعادل الشهادة الأول فممكن الهيئة اللي هتعادل شهادةحضرتك تتطلب اسكور اعلى . وبالنسبة للتخصصات الطبية في امتحان بديل هو oet
4): انك تعادل الشهادة بتاعتك. ودي اول خطوة تعملها حتى قبل الانجليزي الا لو الهيئة اللي هتعادل الشهادة بتاعتك طلبت الانجليزي الاول. والمعادلة بتكون اما تقييم او امتحان ودي بتفرق على حسب الوظيفةبتاعتك. عشان تشوف شهادتك هتتعادل ازاي زورونا في الرابط التالي
http://www.immi.gov.au/asri/
5) انك تكون اشتغلت في وظيفة مطلوبة لمدة سنة مدفوعة الاجر 20 ساعة في الاسبوع او اكتر في خلال السنة اللي قبل التقديم
أو
درست سنتين في استراليا في معهد معترف بيه من قبل cricos
مع العلم ان العمل شرط اساسي للحرفيين
6)ان تكون لائق طبيا و خالي من الجرائم
لو حققت الشروط دي مبدئيا ممكن تتقبل بس لسه في حساب نقط لازم تعمله زي بتاع كندا. تقدر تحسب نقاطك
نظام النقاط بيركز على كام حاجة كده زى "" العمر , المؤهل, الخبرة , اللغة " وكام حاجة تانية
لو جيبت 65 من مجموع النقاط يبقى انت كده مقبول وملفك تمام .
صوره للجدول اللى بيوضح طريقة توزيع النقط
http://www.mohager.com/attachment.php?attachmentid=38&d=1313185332
كل اللي فات ده مجرد حاجات لايمكن الاستغناء عنها.
نيجي للوظايف المطلوبة. لستة الوظايف لسه متغيرة قريب. وكل شوية يغيروها وكانوا عملوا حاجه اسمها الوظايف الملحة . عموما لو حد هيقدم جديد فاللستة الجديدة هتكون مجمعة الوظايف في استراليا ونيوزيلاندا مع بعض.
الحد الأدنى فى النقاط بتكون 100 ولو جبت 140 أو اكتر يبقى ضمنت انك طلب الهجرة هيتقبل فى مدة قصيرة جدا إنما أهم حاجة تعدى الـ100 نقطة ، والنقاط دى بتتحسب على أساس حاجات كتيرة من ضمنها نقاط وظيفتك فى العمالة الماهرة ، ودى بتترواح بين 40 إلى 60 نقطة ، والـوظائف صاحبة الـ60 نقطة دى نادر لو اتغيرت ، فهى الأضمن ، فمثلاً انا إن شاء الله ناوى أدخل حاسبات ومعلومات يعنى هبقى مبرمج ، والمبرمج بياخد 60 نقطة
المهم ، القائمة عبارة عن ملف باللغة الإنجليزية من نوع PDF
انت بتفتحه وتضغط من لوحة المفاتيح على crtl+F وبتظهرلك خانة بحث تكتب فيها وظيفتك بالإنجليزية، يعنى مثلاً مهندس تكتب Engineer وبيدويك فى الحتة اللى فيها المهندسين وتشوف ، فانا مثلاً إن شاء الله يعنى بعد كام سنة اما ابدأ بقى فى إجراءات الهجرة هحمل الملف بتاعة السنة اللى هبدأ فيها وابحث عن مبرمج Programmer ، ولو انت مثلاً ممرض أو ممرضة أو صيدلى أو دكتور ، يبقى استراليا مناسبة ليك ومش محتاج تبحث فى الملف؛ لإنك هتتقبل على طول ، والمعروف ان كتير جدا من الممرضين والدكاترة والصيادلة فى أستراليا هما مصريين لأن أستراليا فيها عجز كبير فى الدكاترة والممرضين ، لأن فيه شباب أسترالى ونيوزلاندى بيهاجر أوروبا ويسبولنا بلدهم
دلوقتى تقدر تحمل الملف من هنا
http://www.immi.gov.au/skilled/_pdf/sol-schedule3.pdf
طبعًا الملف دا 2011 يعنى متقلقش منه خالص لأنه هو آخر تحديث وجاى من الموقع الرسمى للهجرة بأستراليا.
تحديث: النظام الجديد 2011 لا يعطى نقاط للوظيفة ، والحد الأدنى أصبح 65 فقط.
ملاحظة: حسب النظام الجديد 2011 لا يتم إحتساب نقاط للوظيفة.
طبعا الكلام ده ينطبق على الناس اللي ما عندهاش عرض عمل اواللي الولايات مش كفلاهم لان التانيين دول ليهم لستة وظائف اخرى.
احنا هنا بنتكلم عن الهجرة العامة.
بالنسبة لحساب النقط. في نوعين مهمين للهجرة العامة : فيزا رقم 175 وفيزا رقم 176
الاولى محتاج 120 نقطة و بيسموها Independent والتانية محتاج فيها 100 نقطة واسمها sponsored ودي بتكون ابطئ شوية في ال processing ولازم يكون لك كفيل في استراليا (واحد قريبك من الدرجة الاولى) يعني خالك او عمك اوابوك او اخوك الخ. او تكون حكومة الولاية هي اللي هتكفلك.
المهم ايه في الموضوع ان لو انت معاك امكانية للدراسة ووظيفتك مش مطلوبة او معرفتش تعادلها ممكن اوي تدرس هناك حاجه هما عايزينها وتقدم على الهجرة من هناك والموضوع ده مرحب بيه جدا لأن استراليا بتشجع الدراسة.
وكلمة كده بالمناسبة انا صحيح مش في استراليا بس تقريبا نص عيلة صاحبي هناك ومنهم اللي بقاله اكتر من عشرين سنة وبينزلوا مصر باستمرار ومعمريش سمعت منهم غير الأشعار وما فيش حد خالص قال اي حاجة عن العنصرية .وولادهم قمة في التدين ولأخلاق ويمكن العنصرية دي تختلف من واحد للتاني في اي مكان في العالم حتى بلدك الأم.
طيب ييجى واحد ويسأل: هل الآيلتس 6 فى كل فرع ام معدل 6 درجات فى ال4 فروع ؟
أقوله: لازم الأول لو انت مش هتدرس يبقى تعادل شهادتك على حسب الوظيفة اللي انت مقدم ليها. وساعتها الهيئة اللي انت مقدم لها عشان المعادلة هتقول لك هما عايزين كام في الايلتس يعني مثلا الاطباء عايزين 7 في كل الفروع والصيادلة عايزين 7.5 في كل الفروع وما تقلش عن 7 في اي فرع. وده طبعا بيكون ايلتس اكاديمي ومدة صلاحيته سنتين. لوانت قدمت على الهجرة في خلال السنتين دول بعد ما تكون طبعا عادلت الشهادة يبقى مش هتحتاج ايلتس تاني. اما لو السنتين خلصوا أو انت اساسا ما احتجتش ايلتس عشان المعادلة يبقى هتحتاج ايلتس ( general ) وتجيب على الأقل 6 في كل الفروع يعني كل فرع ما يقلش عن 6
وطبعا لو جبت 7 في كل الفروع يكون افضل عشان تاخد نقط زيادة.
من حق بالمناسبة لخريجى حاسبات ومعلومات فى مصر، انت مش هتحتاج انك تعادل شهادتك لا فى أستراليا ولا كندا ولا أى دولة فى العالم لإن المنهج هو هو اللى موجود فى دول العالم كلها، لكن خريجين هندسة كمبيوتر او أى قسم آخر متعلق بالآى تى لكن فى كلية هندسة ، لازم يعادلوا الشهادة.
لكن انا قرأت انك لازم تقدم على عضوية فى جمعيةACS إختصار The AustralianComputer Society وهى بمثابة المعادلة الأسترالية والله أعلم مهنة الهندسة عموما المعادلة بتكون assessment يعني مش امتحانات. هتبعت المحتوى العلمي بتاعك للهيئة المسئولة عن المهندسيين australia engineers. وهي هتقول لك لو انت تصلح ولا لأ. وده اللينك بتاعهم.
http://www.engineersaustralia.org.au/about-us/role-activities/msa/msa_home.cfm
انت المفروض تشوف هما بيدرسوا ايه هناك ولو في حاجة ناقصة انت ممكن تعمل دبلومة قبل ما تبعتلهم ورقك عشان تقوي موقفك. طبعا المحتوى العلمي بتاعك بتجيبه من الكلية. انصحك انك تبعت لهم ايميل تستفهم عن الخطوات بالظبط وكمان لو عايزين اي امتحان انجليزي معين عشان ال registeration ولو مش عايزين يبقى هتمتحن الايلتس
المهم دلوقتى نطلع من حكاية المهندسين دى
بالنسبة للكيميائيين بداية يدخلوا على اللينك دا
http://www.immi.gov.au/asri/occupations/c/chemist.htm
واللينك دا
http://www.immi.gov.au/asri/occupations/c/chemistry-technician.htm
وتشوف المناسب ليك.وتحاول تقارن المحتوى العلمي بتاعك بالمحتوى العلمي بتاع خريجين استراليا وممكن تقوي نفسك بدبلومة او ماستر من مصر او من استراليا او اي حتة لغاية ما يكون المحتوى العلمي بتاعك قريب مما يدرسوه هناك. وبعدين تراسل ال vetassess لتقييمك ولما يجيلك الرد ايجابي ان شاء الله تقوم تمتحن الانجليزي وتجمع شهاداتك.
سؤال: اللى مهاجر نيوزلاندا ومعاه P.R النيوزلندى هل ينفع يروح أستراليا؟
الجواب:من حقه دخول استراليا. بس لا يعامل كانه من اهل البلد. ولازم يعمل معادلة كمان.حتى لو نيوزيلندي اصلي. ده طبعا لو كانت وظيفته محتاجه معادلة. مع العلم ان فيه هيئات مشتركة بين نيوزيلاندا و ستراليا في بعض التخصصات. يعني اللي يعمل واحدة فيهم تغنيه عن التانية.
أولاً على حد علمى فيه إتفاقية بين البلدين لمواطنين البلدين والإتفاقية دى مبتشملش كل حاجة زى مثلاً الضمان الإجتماعى.
ثانيا النيوزلنديين الاصليين كمان بيقدموا على هجرة لاستراليا للحصول على المزايا اللي مش موجودة في الاتفاقية.
ثالثا مش كل المهن في نيوزيلاندا معترف بيها في استراليا ولو انهم بدأو يعملوا نظام موحد واحيانا بتحتاج تعمل معادلة تانية عشان يبقى مسموحلك بالشغل في استراليا.
رابعا انا مش شايف ان نيوزيلاندا اسهل من الهجرة لاستراليا. مثلاً هجرة الاطباء لاستراليا مش سهلة بس عليها شروط في نظري اقل.
و أخيرا استراليا باعها اطول في موضوع الهجرة فبيكون اقتصادها أقوى والترحيب بالمواطنيين الجدد اكتر. ده غير ان نيوزيلاندا مش بنفس التقدم الحضاري المستمر في استراليا.
وعامة كل واحد بيشوف ايه الاسهل ليه وبيعمله.
قبل تقديم الاوراق لابد من توثيق الخارجية وترجمتها للانجليزي.
ودي اسماء مكاتب الترجمة المعترف بيها في السفارة الاسترالية بالقاهرة:
القاهرة:
1)مكتب فؤاد نعمة
شارع شريف.مصر الجديدة خلف الحرية مول.
2)مارينا2000
شارع رمسيس بجوار نقابة المحامين.
3)مكتب نادوري و نحاس
7 لازوغلي.جاردن سيتي بجوار السفارة الامريكية.
4)مكتب ترجمة العبور
شارع سالم سالم بجوار مقهى نعمة. العجوزة
5)مكتبst.george
7ميدان رمسيس
6)مركز (tasic) مدام منى كامل
امام سفارة الكويت بالدقي.
الاسكندرية:
1)ندوري و نحاس
71 شارع السلطان حسين.
2) ناديا ناصف:
9 شارع احمد عرابي بجوار جامعة سان جور. المنشية
تاكد من امضاء وختم المكتب على الاوراق.
بعد كده هييجي الدور على موقع الهجرة
هتدخل على الموقع:
http://www.immi.gov.au/
وبتقدم بقى من عليه
ليست هناك تعليقات:
إرسال تعليق