(من مصر - الى تركيا) حصري ;)
نظرا لكثرة الاستفسارات من الاخوة المصريين الراغبين السفر الى تركيا بحثا عن العمل
سوف اقوم بشرح كافه كل شى بالصور والتفصيل الممل من لحظة التقديم للفيزا فى مصر الى الوصول لتركيا, باذن الله تعالى
فلنبدا الشرح باذن الله:
أولا: تجهيز الاوراق المطلوبه للحصول على الفيزا من سفارة تركيا
++++++++++++++++++++++++++++++++++++
1-الابلكيشن وده بتستلمه فى مقر السفارة ( مرفق صورة له ).
2-جواز سفر صالح ل 6 اشهر.
3-عدد 1 صورة شخصية خلفيه بيضاء حديثة.
4-كشف حساب بنكى ( لا يقل عن 10.000 جنيه مصرى, ويزيد ).
5-خطاب من جهة العمل, او سجل تجارى.
ثانيأ: الذهاب الى مقر سفارة تركيا بالقاهرة
++++++++++++++++++++++++
وده العنوان وخريطه للوصول
ط³ظپط§ط±ط©
طھط±ظƒظٹط§, ط¨ط§ط¨ ط§ظ„ظ„ظˆظ‚, ط§ظ„ظ‚ط§ظ‡ط±ط©, ظ…طµط± | ط³ظپط§ط±ط§طھ ظˆ
ظ‚ظ†طµظ„ظٹط§طھ | Yellow.com.eg | 25 ط´ ط§ظ„ظپظ„ظƒظ‰
اقرب محطة مترو للسفارة : محطة سعد زغلول
ساعات العمل: الأحد - الخميس
09:00 -1:00
1:30 -5:30
ساعات قبول الطلبات للفرع القنصلي بالسفارة:
القسم القنصلي: 09:00 – 12:00 تسليم
تسليم طلبات التأشيرات: 2:30 -4:30
ثالثا: التجهيز للسفر
+++++++++++
1-بتبدأ تشوف اسعار تذاكر الطيران المناسبة ليك على ( مصر للطيران - الخطوط الجوية التركية ) وتحجز.
2-عند تجهيز شنطة السفر حاول على قدر الامكان تاخذ الاشياء التى تلزمك فقط.
3-تجهيز فلوس السفر فى حدود ( 300 الى 500 ) ويجب ان تكون بـ ( الدولار أو اليورو ) .
رابعا: يوم السفر
+++++++++
فلتبدا بالتوكل على الله, ثم الذهاب الى المطار الذى ستسافر منه سواء من القاهرة او الاسكندرية
الوقت اللازم لإنهاء إجراءات السفر على الرحلات الدولية ثلاث ساعات قبل وقت
الإقلاع المحدد على التذكرة ( يتم اغلاق الكاونتر قبل 60 دقيقة من وقت
الاقلاع المحدد)
وليكن مطار القاهرة عبر صاله السفر رقم 3
وتضع الشنطة على السير الكهربائى وتعبر الحاجز
ثما تتوجه الى كاونتر الخاص بشركة الطيران اللى هتسافر عليها
وتسلمهم الشنطة وتذكرة السفر الخاصه بكـ, وسوف يعطونك ورقه مغادرة يجب انت
تملاء البيانات بنفسك, ملصق خاص بالشنطة, وملصق اخر لصعود الطائرة.
البيانات المدونة على ملصق صعود الطائرة:
1-Gate : البوابة التى ستعبر منها للسفر
2-Boarding Time : وقت اقلاع الطائرة
3-Seat : رقم الكرسى الخاص بكـ
ثم تبدا بالذهاب لختم المغادرة والنزول الى صالة السفر
سياتى الباص لتوصليكم للطائرة, او بالعبور عبر الناقل من الصاله للطائرة.
خامسا: الوصول للمطار فى تركيا
+++++++++++++++++++
عند وصولك لاسطنبول عبر إحدى المطارات سواء مطار اسطنبول الدولي (مطار أتاتورك) أو مطار صبيحة كوتشن الدولي.
وسوف يكون الشرح على مطار اسطنبول الدولي (مطار أتاتورك)
سياتى الباص لتوصليكم لصالة الوصول, او بالعبور عبر الناقل من الطائرة للصاله.
تذهب لاستلام شنطتك من على السير الكهربائى.
ثم التوجه لختم الوصول كما موضح بالصور:
وتلتزم بالدور, وتختم الجواز
مهم جدا: قبل الخروج من المطار يجب عليك تغيير بعض الاموال الى اليرة التركية
يمكنك الحصول عليها مباشرة عن طريق الصرافات الالية المنتشرة في المطار أو عن طريق صرف مبلغ صغير من مكاتب الصرافة الموجود في المطار
(لا تصرف مبلغ كبير حيث أن أسعارهم تعتبر أغلى من بقية مكاتب الصرافه في المدينة)
اقل مبلغ للتغير ( 10 دولار )
سادسا: الوصول الى الفندق
++++++++++++++++
سوف تحتاج لطريقة تنتقل بها الى الفندق أو المكان الذي تريده وهناك العديد
من الخيارات للمواصلات تعتمد على الوجهة التي تريد الوصول لها و على المطار
الذي وصلت له
1-سيارة الأجرة Taxi
2-اتوبيسات شركة Havataş
3-المترو
فى حاله وصولك مطار صبيحة كوتشن الدولي يفضل ركوب اتوبيسات شركة Havataş لاكسراى
فى حاله وصولك مطار اسطنبول الدولي (مطار أتاتورك) يفضل ركوب المترو لاكسراى لرخص اسعاره وسرعته
وسوف يكون الشرح على مطار اسطنبول الدولي (مطار أتاتورك)
طبعا وصلت المطار ومش عارف توصل لمحطة المترو ازاى
تابع هذا الاشارات الدلالية
حتى الوصول لمحطه المترو تحت الارض وهذا شكلها
طبعا المترو هناك مفيش شباك للتذاكر انت بتخدم نفسك بنفسك زى ما انت شايف فى الصورة
وهذا الموقع يعرفك كيفية التعامل معا ماكينة التذاكر الالية
GETING AROUND IN ISTANBUL | Istanbul Tour Guide
سعر الجيتون 3 ليرة تركية للفرد الواحد
وهذا الرصيف
مهم:
+++
بالنسبه للاخوة الذين يملكون اجهزة ابل هذا تطبيق مترو اسطنبول
https://itunes.apple.com/us/app/metr...393533466?mt=8
بالنسبه للاخوة الذين يملكون اجهزة اندرويد هذا تطبيق مترو اسطنبول
https://play.google.com/store/apps/d....IstanbulMetro
بالنسبه للاخوة الذين لا يملكون شى 
هذه خريطة لخطوط المترو يجب تصوريها
دلوقتى وصلت لاخر محطة وهيا اكسراى ...
يوجد محلات الاتصالات بكثرة, اذا كنت تريد الاتصال بالعائلة او لشراء خط اتصالات تركى
يفضل خطوط TURK CELL, سعر الخط 25 ليرة تركية
وكروت الشحن متوفرة كثيرة بداية من 10 ليرة تركية
دلوقتى مرهق وتعبان جدااااااااااا من السفر وتريد الاستراحه فى فندق
ولان الفندق بعيد بحوالى 15 دقيقة من اكسراى سوف تضطر لركوب تاكسى لكى يوصلك للفندق فى حدود 10 الى 15 ليرة
لانك جديد بالبلد ولن تسطيع الوصول اليه مشيا بالاقدام او بالمترو
فندق يكال Baykal Hotel
اسعاره معقولة جدا تتراوح بين 12 ليرة لليلة سرير فى غرفة مزدوجة او ثلاثية دور ارضى
20 ليرة فى غرفة مزدوجة بسريرين
25 ليرة فى غرفة بسريرين لوحدك فقط
وهذا الموقع الخاص بالفندق تستطيع رؤية الغرف ذات 20 و 25 ليرة
Otel Baykal, istanbul Ucuz Oteller, Ucuz Otel, Fatih Oteller, UnkapanI Oteller, Kadir has Otel,
هاتف: 02126318189
العنوان: Üsklüplü Cd., Fukarababası Sk., No:3/a 34083 Fatih, İstanbul, Türkiye
تسطيع روية الفندق عن طريق خرائط جوجل https://maps.google.com.eg/maps?hl=ar
ثم كتابة العنوان فى خانة البحث
يجب حفظ عنوان الفندق بالتفصيل كما هوا مكتوب لتعطيه لسائق التاكسى لكى يوصلك للفندق
على فكرة اصحاب الفندق ناس محترمة جدا جدا وبيتكلموا عربى
سابعا: البحث عن العمل
++++++++++++++
طبعا دى اهم نقطة فى الموضوع كله اللى الكل مسافر علشانها, بس قبل ما اتكلم فى موضوع العمل احب اوضح شوية حقائق يجب انت تعرفها جيدا
1-حط فى اعتبارك ان تركيا ليست اوروبا او دولة عظمى لكى تجنى منها اموال
طائلة, لولا هذا ما هربوا وسافروا الاتراك للعمل فى اوروبا ودول الخليج.
2-الاتراك لا يتحدثون الا اللغه التركية فقط, قليل جدا جدا من يتحدث اللغة العربية او الانجليزية سواء جيدا او مكسر.
3-الوظائف المتاحة ( مغاسل, افران, مطاعم, معمار, بازارت...اى بهدلة وخلاص, واللى يقلك هتقعد على مكتب متصدقوش.
4-عدد ساعات العمل 12 ساعة, او تقل ساعة او اتنين.
5-اغلبية الوظائف تعطى وجبة او 3 وجبات واكل الاتراك ميملاش معدة المصرى ههههههههههههههههههههه.
6-مفيش صاحب عمل بيعمل اقامه لواحد لسه شغال جديد معاه وخصوصا ميكونش بيعرف لغة تركى,
كل اصحاب الاعمال بيعملوا اقامات للناس القديمة اللى شغاله معاهم بقالها
مدة طويلة وطبعا بيكون بيعرف يتكلم تركى ودى اهم حاجة الاتراك عايزنها.
7-اغلبية الوظائف عندها سكن خاص بيها, وكله على حسب فى زبالة جدااااااااا وفيه معقول وفيه كويس, انت ونصيبك.
8-الرواتب بتبدا من 800 ليرة فى الشهر.
9-المسئولين عن الشغل سماسرة اومكاتب واغلبها فى منطقة ( اكسراى ) وبتختلف عمولتهم من 300 الى 400 ليرة عن كل شخص, على حسب الاتفاق
وبيوديك شغل تجربه لو كملت خير وبركه, فى حاله لو الشغل مش عجبك ومشيت بعد كام يوم ملكش اى فلوس وده النظام هناك.
10-المسئولين عن عمل الاقامه برضة سماسرة ومكاتب وبتختلف عمولتهم من 300
الى 600 دولار عن كل شخص, وفى مكاتب وسماسرة محترمين وفى النصب كتير فى
الموضوع ده.
11-فى حاله عملت الاقامه بتكون مدتها 6 شهور قابله للتجديد, وذلك بالخروج من تركيا لمدة يوم والعودة.
مساوئ تركيا:
++++++++
1-حاجز اللغه ( حيث ان معظم الأتراك لا يتحدث اللغة العربية او الانجليزية مما يجعل التعامل معهم صعب ).
2-مشكلة التيار العلماني في تركيا التحرر والأنفلات الواضح.
3-طبيعة الأتراك بشكل عام عندهم إعتزاز بالعرق التركي وزهو ليس في أي شعب
آخر, فإن نظرة بعظهم لنا كعرب لا تختلف عن نظرتنا نحن للأسيويين وغيرهم.
4-حالات النصب والأحتيال على العرب وهي للأسف في معظمها من العرب المقيمين
في تركيا, شوفت بعينى المنصوب عليهم نايمين فى الجناين لا يمتلك اى شئ.
5-الزنا والشذوذ الجنسى.
مميزات تركيا:
+++++++
1-المساجد موجودة بكثرة جدا ويكفى سماع الاذان طول اليوم.
2-النظام الشديد فى الطرق والموصلات والمواعيد.
3-رخص الاسعار:
الوجبة تتراوح بين 5 الى 7 ليرة
كانز كولا 1,50
زجاجه مياة كبيرة 1,50
..............................................الخ
لا تتردد فى الاستفسار عن أي شي يتعلق بالموضوع ,,,
++++++++++++++++++++
فى محلات تصليح موبيلات هناك ؟؟؟
ردحذفاصلى انا شغال فى تصليح الموبيل والسوفت وير
او موظفين خزينة ؟؟؟
اهم حاجة في الشاب المصري انه ياخد دينه وتعصبه معاه في الشنطة
ردحذفتيار علماني في تركيا مدايقك في ايه هم قاعدين في بلدك ... انت رايح تشتغل وتعيش ولا رايح تقرف اصحاب البلد في بلدهم
ده ايه الهم الناقع ده
مش كل الشباب حضرتك انا انا شاب مصري بس سفرني من ام البلد دي وربنا انا هقطع الجنسيه بتاعتي بي بنزين
حذف