أزاي تحسن موقفك عشان تقبلك اى سفارة وايه الورق اللى بيطلب منك

اهلا بيكم جميعا و زي ما وعدتكم بالكتابه عن السفر والهجرة لكل الدول هبدا النهارده باهم حاجه وهي ازاي تحسن موقفك عشان تقبلك اى سفارة وايه الورق اللى بيطلب,

طبعا كله نفسه يسافر من البلد دي ويروح اى مكان تاني, واغلبيه الناس مش عارف يعمل ايه, والاغلبيه بيقدم وبيترفض, عشان كدة هتكلم عن الاوراق المطلوبه وازاى تحسنها,

1.كشف الحساب

اهم حاجه هنا هو كشف الحساب لان هو اللى بيثبت انك معاك فلوس تسافر وتتفسح, كل السفارات بتطلب كشف حساب لاخر 6 اشهر, اهم حاجه عشان تسافر تبدأ بعمل الاتي,

تحط مخطط قدامك على انك هتسافر بعد 6 او 7 اشهر وتبقي عارف انت هتقدم على اى سفارة, هتروح اي بنك تفتح حساب هناك وتعمل ايداع كل شهر بمبلغ ثابت على اساس ان المبلغ دة مرتبك اللى بتاخدة كل شهر فبيتحط في حسابك وطبعا تخلي حد تاني هو اللى يعملك ايداع بالمبلغ دة وزي ما قولت يكون ثابت, يعني لو هتكتب في خطاب العمل انك بتاخد 3 الاف جنيه يبقي كل اول شهر تعمل ايداع بالمبلغ دة, تاني حاجه بقي انك تعمل سحب وايداع كتير كل شهر, يعني تسحب 200 جنيه بعدها 500 جنيه بعدها 150 جنيه بعدها تحط 300 جنيه بعدها تسحب 50 جنيه بعدها تحط 500 جنيه كدة, وحاول اى حاجه تشتريها تكون بالفيزا عشان يبقي السحب والايداع كتير, وخلى بالك اوعي تسحب مثلا 300 جنيه وتروح تحط نفس المبلغ, لازم المبلغ يبقي مختلف على اساس انك صرفتهم وحطيت فلوس غيرهم لما جتلك,

هتفضل كدة لمدة 6 اشهر عشان تعرف تطلع كشف حساب لاخر 6 اشهر,

تاني نقطه هنا هو المبلغ, اهم حاجة يكون المبلغ كويس يعني يفضل انه ميقلش عن 50 الف وطبعا في دول هتطلب كشف باقل من كدة يعني مثلا تركيا لو كشف ب 10 او 15 الف تاخد الفيزا عادي, ودوله زى امريكا يبقي لازم الكشف يكون ب على الاقل 70 او 80 الف جنيه,

كدة بعد ال 6 اشهر انت معاك كشف حساب كويس

2.خطاب العمل

تاني اهم حاجه هنا هي خطاب العمل اللى هو ال اتش ار, دة بيتكتب فيه كل حاجة عن شغلك, شغال ايه ومن امتي وبعقد ولا ثابت ولو بعقد فانتهائه امتي ومرتبك والكلام دة كله,

يبقي موقفك كويس لو انت شغال في شركه كبيرة ووظيفتك كويسه ومرتبك كويس,

بالنسبه للناس اللى مش شغاله فالافضل يشوف حد من اصحابه عنده شركه يعملة خطاب على انه شغال هناك

بالنسبه للطلبه فبيقدمو شهادة قيد من الكليه

نيجي بقي للناس اللى تقدر تتحكم في الخطاب يعني ممكن يكتبو اللى هما عايزينه, لو تعرف تخلي المرتب بمبلغ كويس يبقي احسن بس اهم حاجة النسبه والتناسب يعني مثلا انت مهندس في شركه متوسطه يبقي مرتب 3 الاف كويس, مهندس في شركه كبيرة يبقي ممكن تخليها 5 الاف, لو مدير مثلا ممكن تخليها 15 و 20 الف, المهم ان يكون في نسبه وتناسب بين الوظيفه والشركه والمرتب.

ثانيا لازم تجيب خطاب اجازة من الشغل بفترة الرحله اللى انت محددها وطبعا محدش يقولي انا هروح شهر او اكتر من شهر, يبقي هتترفض وش ودة لسبب ان شغلك عمرة ما هيوافق على اجازة اكتر من 21 يوم لان دى اجازة اى شخص في السنه اجمالى 21 يوم, فبالتالى هتقول مثلا انك رايح 15 يوم او 17 يوم.

3.السفر

اي قنصل بيبص على انك هتروح البلد وهترجع يعني مش هتكسر الفيزا, فبالتالى لو قدرت تسافر اى بلد او اتنين في الاول وتروح وترجع قبل انتهاء الفيزا, وتشوف دول سهله ومش مكلفه يعني ممكن تروح تركيا مثلا بعدها قبرص بعدها تايلاندا كدة

تاني حاجه, متبقاش مسافر بلد وتسافر بعدها على طول, لازم على الاقل تصبر 4 او 5 اشهر بين كل سفريه, انت مش هتتفسح 20 مرة في السنه, انت اخرك 3 مرات في السنه ومتنساش ان اجمالى الايام ميزدش عن 21 يوم

4.جواز السفر

من الخطوات الهامة جدا والتى تعطي جواز سفرك قدرا كبيرا من القوة والاحترام والتى تعتمد على ما يتم كتابته من بيانات شخصية لصاحب جواز السفر وتكون دائمة مدونة بالصفحة الرابعة من جواز السفر وهي كالاتي : الاسم - مكان الميلاد - العنوان - تاريخ الميلاد – المهنة

-الاسم .. يفضل كتابة الاسم رباعي وذلك لا قدر الله في حالة الحصول على رفض من احدى السفارات يتم ختم الرفض على الباسبور في صفحة من الصفحات الاخيرة بالاضافة الى اضافة اسم ورقم صاحب الباسبور الى القائمة السوداء وبذلك يتم رفضه في اي سفارة اخرى

لذا في حالة كتابة الاسم رباعي

يكون امام الشخص الذي حصل على رفض من احدى السفارات ان يقوم بتغيير الباسبور ويقوم بكتابة الاسم خماسي

ومن المعروف ان الاجانب يتعاملون بالاسم الاول واسم العائلة وغاليا ما يكون الاسم الاخير .

- مكان الميلاد.. تبعا للمحافظة الذي تم فيها الميلاد وليس عليها اية ملاحظات فهي تكتب كما هو مدون بالبطاقة الشخصية او شهادة الميلاد

-العنوان.. للعنوان المدون بجواز السفر اهمية بالغة بالنسبة لاية سفارة اوربية حيث ان العنوان يوضح المستوي الاجتماعي فنحن نعلم ان هناك مناطق راقية وهناك متوسطة المستوى و مناطق شعبية وعشوائية

بالطبع لن نستطيع ان نغير شيئا في العنوان ولكن نستطيع ان نتجمل فقط

كيف ؟؟؟؟

اذا كان عنوانك كالاتي

39 شارع حسن المرعشلي المتفرع من شارع الخلفاوي - اغا خان - شبرا القاهرة

كل المطلوب ان يتم كتابته كالاتي

39 شارع حسن المرعشلي- اغا خان - شبرا

وبذلك تكون الصورة قد تحسنت قليلا

واذا كان بامكانك نقل محل سكنك على احد من اقربائك القاطنين في منطقة راقية فقط لانهاء اجراءات استخراج جواز سفر وان كان من الصعب ذلك فليست هناك مشكلة واتبع الخطوة السابقة .

-تاريخ الميلاد.. بالطبع يكتب كما هو

-المهنة.. تعتبر من اكثر الخانات اهمية في جواز السفر

فهي توضح مهنة صاحب الجواز سواء اكان طالبا او حاصلا على مؤهل او مدير او صاحب شركة الخ الخ الخ

واعتقد ان اي سفارة تهتم بخانة المهنة وبنسبة كبيرة يتم الاعتماد عليها في اعطاء الفيزا بجانب الرصيد البنكي

لذا فانا اعتبر هذه النقطة بالاضافة الى كشف حساب البنك اهم نقطتين واي سفارة تقوم باعطاء الفيزا على اساسهما .

لا يفضل كتابة حاصل على مؤهل في خانة المهنة ايا كان هذا المؤهل وانصح اي شخص يعمل بوظيفة بسيطة في اي شركة خاصة ان يقوم بمعرفة احد المسؤلين بتلك الشركة بعمل خطاب معتمد من الشركة بتعيين هذا الشخص مثلا مسئولا عن ادارة معينة وذلك فقط لاستخراج جواز السفر وبناءا عليه يتم تغيير خانة المهنة في البطاقة وبالتالي يتم كتابتها في جواز السفر .

واذا كان الشخص لديه محل او دكان او ورشة صغيرة مثلا فيفضل كتابة مدير كذا او صاحب كذا وذلك لا ياتي الا عن طريق اثبات ذلك في السجل التجاري التابع لتلك المنشاة سواء كانت محل او ورشة او ايا كانت

اذا كان لدى الشخص الباحث عن السفر اي حجرة خالية او يستطيع عمل عقد ايجار وهمي لاية شقة او حجرة ايا كانت مساحتها ويقوم بتأسيس شركة وهمية براس مال صغير ويعين نفسه مدير عام تلك الشركة او المنشاة ويتم تدوين ذلك في السجل التجاري وبناء عليه في جواز السفر فذلك سيعطيه فرصة كبيرة في الحصول على فيزا .

اذا كان الشخص حاصلا على مؤهل ولا يعمل فارجو منه الا يغامر ويقوم ياستخراج جواز سفر بتلك الصورة ويحاول عن طريق احد معارفه ان يقوم بعمل عقد عمل وهمي مع اي شركة ويقوم بالاشتراك في التامينات الاجتماعية على ان يتم الاتفاق على ذلك مسبقا مع صاحب الشركة ويقوم هو بدفع التامينات الاجتماعية ويحصل على شهادة بذلك حتى يتم تغيير بيانات بطاقتة الشخصية وبالتالي اثبات وظيفته الوهمية الجديدة بجواز السفر وانا شخصيا فعلتها لاحد من اصدقائي .

كيف يتم تدوين تلك البيانات في جواز السفر

من المعروف ان هناك استمارة يتم كتابتها ومل بياناتها لاستخراج جواز سفر وما يدون في تلك الاستمارة يجب ان يكون متوافق مع ما هو مدون بالبطاقة الشخصية و شهادة الميلاد . ما تقوم بكتابته هو الذي سيتم تدوينه في جواز السفر

فمثلا في حالة الاسم الرباعي .. لو تم ملء الاستمارة بالاسم الرباعي سيتم استصدار جواز السفر بالاسم الرباعي ولم تم ملء الاستمارة بالاسم الخماسي سيتم كتابته بجواز السفر ولزيادة التاكيد لا تنسى ان تنبه على الموظف المختص بذلك وان كنت ارى انه لا حاجه لذلك فهذا هو اختيارك وانا قد فعلت ذلك واستخرجت جواز سفر مرة بالاسم بالرباعي ومرة بالاسم بالخماسي .

بالنسبة للعنوان ينطبق عليه نفس الحالة السابقة فبدلا من كتابة العنوان بالتفصيل الممل يتم فقط اختصاره كمان هو مبين اعلاه وانا شخصيا فعلتها عند استخراج جواز السفر .

بالنسبة للمهنة يجب اتباع الاختيارات السابقة

5.نيجي بقي بمراجعه عن ازاى تقوي موقفك للسفر باختصار, والتفاصيل موجودة فوق

5.1.كشف حساب كويس

5.2.خطاب عمل

5.3.جواز سفر مظبوط

5.4.لو عندك املاك زي شقه باسمك, ارض باسمك, عربيه بأسمك ومن فترة دة بيدعم موقفك

5.5.لو انت متجوز ومخلف وهتسيب مراتك او عيالك هنا دة بيدعم الموقف جدا, وبالنسبه للبنت نفس النظام لو متجوزه وجوزها هيفضل هنا دة بيدعم موقفها جدا جدا عشان جوزها وعشان هي بنت

5.6.لو هتحجز طيران وفندق وفي بعض السفارات الحجز بيكون لازم

5.7.في سفارات زي الشنجن بتطلب تامين سفر دولي

5.8.لو سافرت قبل كدة ومكسرتش الفيزا والتزمت بيها

5.9.تكون واثق من نفسك وانت في المقابله وحاطط في دماغك انك رايح وراجع تاني لان دة هيظهر على تحركاتك

لو التزمت بالكلام دة موقفك هيكون كويس جدا وهتضمن الفيزا لمعظم الدول, وهنتكلم بالتفاصيل عن كل الدول برضو والاوراق المطلوبه ليها ايه بس اهم حاجة تكون عارف الكلام دة

اي حد عنده اي استفسار يكتبه على البيدج وهيتم الاجابه عليه فورا, وممكن يبعتلنا رساله على البيدج.

https://www.facebook.com/ushgra

بالتوفيق للجميع

الكارت الأزرق للعمل فى ألمانيا

اية رأيك لو تكمل حياتك و شغلك فى المانيا ؟ طب اية رأيك ان المانيا دي ممكن تكون نقطة انطلاقك لاي دولة من دول الاتحاد الاوروبي
و بالمناسبة صحيح .. احنا مش منزلين عناوين مكاتب سياحة و لا رقم تليفون دراهم بتاع الفيز المضروبة .. ف ركز كده لاننا هنتكلم عن make it in Germany

اية make it in Germany ؟ دي حملة اطلقتها المانيا من 2013 و بتستقبل فيها المهندسين و المبرمجين و الاطباء و الممرضيين و الفنيين ( الصنايعية زي ما بنسميهم فى بلدنا ) و كل حد بيشتغل بأيده او عنده مهارة و حرفة " مش قاعد ف تكييف و لا بتقمع بامية "

لية ؟ لأن في ال 25 سنة الجايين سوق العمل هيفقد 9 مليون شخص،وده اللي خلي ألمانيا تطلق حملة الرسمية دي

النظام جديد ده اسمه البطاقة الزرقاء Blue Card زي الجرين كارد الأمريكاني

مزاياها انك بتاخد اقامة مفتوحة بعد مضي 3 سنين من شغلك،ولو متجوز تجيب مراتك،ولها الحق في فرصة عمل حتي لو مش بتعرف تتكلم ألماني.و ممكن تكسر الاقامة وترجع بلدك سنة ونصف بدون ما تسقط عنك،ترجع وتشتغل تاني،وبعد 3 سنين من شغلك،ممكن تشتغل في اي بلد أوروبي تاني،لأنك ممكن تطلع هناك برضه البطاقة الزرقاء..

الويب سايت ده بتاع make it in Germany عليه كل المعلومات عن وضع سوق العمل،والفرص ،والمعاهد اللي بتقدم تدريب،وخطوات واجراءات السفر..كل شئ ممكن تتخيله من الألف للياء ..

http://www.make-it-in-germany.com/en

كمان لو انت مخلص ومعاك بكالريوس ،خش علي الويب سايت ده عشان تعرف ازاي تعادل شهادتك للألمانية..

http://www.anerkennung-in-deutschland.de/html/de

.كل المعلومات عن الفيزا،وشروطها،واستقدام الزوجة وخلافه،هتلاقيه علي موقع السفارة الألمانية..

http://www.kairo.diplo.de/Vertretung/kairo/ar/07__neu/__Visastelle__Hauptbereich__arab.html

عشان متتصدمش أكيد لازم تكون شاطر في مجالك او دراستك طبعًا..لأن المجتمع هناك مفتوح وهيتقتح أكتر بس للمميزين و اللى ناويين يتميزوا ،مش اللي بيدوروا علي فرصة للهجرة وخلاص ..

تاني حاجة مهم جداً ايمانك انك هتوصل و ثقتك بنفسك وعدم يأسك مهما سمعت من كلام المحبطين.
وطبعًا توفيق ربنا قبل كل شئ

السفر الى قبرص

قبرص

زي ما وعدتكم بالكتابة عن البلدان السهلة في الدخول ليها واللي بتأمين فرص عمل كويسه هبدا بالكتابه عن قبرص

نبذه عن قبرص
-------------

قبرص (باليونانية:Κύπρος) رسميا جمهورية قبرص (Κυπριακή Δημοκρατία) دولة قائمة على جزيرة في شرق حوض البحر الأبيض المتوسط في جنوب شرق أوروبا وشمال غرب آسيا. استقلت سنة 1960 عن بريطانيا. تم تقسيمها بعد التدخل العسكري التركي سنة 1974 إلى جزئين ذو أغلبية سكانية يونانية (في الوسط والجنوب) وجزء ذو أغلبية سكانية تركية (في الشمال). أعلن في سنة 1983 قيام جمهورية شمال قبرص التركية في القسم التركي.

اللغه الرسمية : في الجزء اليوناني : اليونانية، في الجزء التركي : التركية واليونانيه
العمله : اليورو
الفئه : تابعه لدول الاتحاد الاوروبي وسوف تنضم لاتفاقية الشنجن في خلال شهرين
المناخ : المناخ معتدل ممطر شتاءا وحار صيفا.
التقسيمات الإدارية :
تنقسم قبرص إلى ستة مناطق هي كالتالي:
منطقة فاماغوستا
منطقة كيرينيا
منطقة لارنكا
منطقة ليماسول
منطقة نيقوسيا
منطقة بافوس

الاقتصاد :
الجزء اليوناني من قبرص هو أغنى من الجزء التركي ويتمتع اقتصاده باستقرار أكثر، خاصة بعد انضمام قبرص إلى الإتحاد الأوروبي عام 2004. بلغ الناتج القومي للبلاد 4.9 مليار دولار أمريكي ومعدل 12,500 دولار أمريكي للفرد. اقتصاد قبرص كان أفضل اقتصاديات الدول العشرة التي انضمت للإتحاد الأوروبي عام 2004.
الزراعة
يعمل حوالي ثلاثة أرباع القبرصيين في مجال الخدمات، بينما يشغل القطاع الزراعي فقط ما نسبته 5% من الأيدي العاملة. نسبة البطالة تبلغ حوالي 3,6%، هذه النسبة تقع تحت معدل الإتحاد الأوروبي.
الصناعات
أهم الصناعات هي الغذائية، المشروبات، الكيماويات، المنتجات المعدنية، السياحة والمنتجات الخشبية. أهم الصادرات هي الحمضيات، العنب، النبيذ، الاسمنت، الملبوسات والأحذية. تشتهر قبرص بإنتاج أنواع خاصة من الجبن تعرف باسم جبنة الحلوم. أهم الشركاء التجاريين هم بريطانيا، الولايات المتحدة الأمريكية، اليونان،سوريا ،روسيا ولبنان.
الصادرات
أهم الصادرات هي المنتجات الزراعية وخاصة الحمضيات والبطاطس. أهم الشركاء التجاريين هم تركيا وبريطانيا.

مستوي الجريمة :
تتمتع قبرص بمعدل جريمة منخفض جدا بالمقارنة مع بلدان البحر المتوسط الأخرى المنافسة مثل اسبانيا, إيطاليا، البرتغال وفرنسا. نسبة الجريمة في قبرص هو عشر واحد فقط, من متوسط معدل الدول الأوروبية الأخرى (6٪ من المملكة المتحدة). سوف تجد أن الناس في المناطق السكنية نادرا ما يقفلون سياراتهم, وغالبا يتركون منازلهم والأبواب والشبابيك مفتوحة. هذا كله يرجع إلى ود وصدق السكان المحليين وهو سبب عودة الناس سنة بعد سنة.

مستوي الحياه :
توفر قبرص مستوى معيشي عالي نسبيا، كما في دول أوروبا, والدخل السنوي للفرد هو حوالي 27,000. التكلفة الإجمالية لمتوسط المعيشة حول 1/3 إلى 2/3 من معظم أنحاء أوروبا، اليابان أو الولايات المتحدة الأمريكية. الوجهة رقم واحد بعد التقاعد حسب صحيفة صنداي تايمز في يناير 2008 بعد النظر في رسوم الضرائب, تكاليف الملكية، الرعاية الصحية, المناخ، والثقافة هي قبرص.صنفت الإيكونومست الجزيرة في المرتبة 23 من 111 بلدا في جميع أنحاء العالم لجودة الحياة.

الاتصالات ووسائل النقل :
يوجد في قبرص 6 من مقدمي خدمات الإنترنت و 3 من مقدمي الإتصالات المتنقلة, المحلية والدولية, بأسعار تنافسية وجودة عالية. موقع قبرص الإستراتيجي مثالي للسفر إلى أوروبا, آسيا و أفريقيا. يوجد في قبرص مطارين يخدمان من قبل أكثر من 40 شركة طيران, في حين أن الموانئ توفر رحلات إلى الجزر اليونانية، لبنان، إسرائيل, مصر وسوريا. ترتبط جميع المدن داخل قبرص عبر طرق سريعة جديدة مما يجعل السفر سهل وآمن في نفس الوقت.

مستوي وتكفله المعيشة :
الوصف
يورو
1 كجم لحم غنم طازج
13
1 كجم لحم خنزير طازج
4
1 كجم دجاج
3.60
1 لتر حليب
1.50
50 جم قهوة
2
37,5 جم شاي
1.80
رغيف من الخبز
1.90
إثنتا عشرة بيضة
3
إثنتا عشرة بيضة حيوية
4.50
225 جم زبدة
3
1 كجم جبنة قبرصية
11
1 كجم طماطم
1.50
1 كجم بطاطس
0.75
1 كجم تفاح
1.80
1كجم عنب محلي
3
براندي محلي 70cl
5.75
شيري محلي 70cl
8
نبيذ محلي 70cl
8
ويسكي مستورد 70cl
10

طرق الدخول الشرعية لقبرص :
لكي تتمكن من الدخول الي روسيا أمامك ٤ طرق وسوف نتحدث عن كل طريقه
١. السياحه : اذا كانت اول مره لك فسوف تأخذ فيزا مدتها تتراوح بين ال ٧ ايام الي الشهر، ولكي تتمكن من تحويل الفيزا يجب عليك العودة الي بلدك والحصول علي فيزا من جديد, تكلفه الحصول على الفيزا من السفاره 200 جنيه وهتزيد قريب عشان قبرص بقت اتحاد اوروبي وهتدخل شنجن قريب
٢. الدراسه : وتتراوح أسعار الدراسه بين ال ٢٠٠٠ يورو في العام لاكن يشترط أجاده اللغه اليونانية للدراسة او الانجليزيه
٣. الزواج : يجب عليك الزواج من مواطنه من قبرص لكي تتمكن من الحصول علي الفيزا
٤. الاستثمار : يمكنك الدخول الي قبرص والعيش بها في حاله استثمارك مبلغ ١٠ آلاف يورو في قبرص وبعدها تحصل علي الاقامه المؤقتة ومن ثم الدائمة وبعدها الجنسيه، ومن المتوقع زياده مبلغ الاستثمار الي ٥٠٠ الف يورو بعد انضمامها الي اتفاقية الشنجن لتصبح مثل باقي الدول.

مما رأيته في قبرص،
الحياه في قبرص تعتمد علي نوعين من العمل، الاول في مجال السياحه فبسبب مكان الجزيرة وأنها تقع علي البحر فالمصادر الاول يكون في العمل بمجال السياحه وهنا تتراوح المرتبات بين ١٠٠٠ يورو في الشهر شامل السكن والأكل والشرب، والثاني في مجال الزراعة وهنا تتراوح المرتبات بين 500 ل 1000 يورو شامل السكن والأكل والشرب،
معظم السائحين في قبرص من روسيا وأوكرانيا وتركيا وبعض من الدول الأوروبية الاخري، وقد يفكر بها الشباب الراغبين في السفر كهدفهم الاول مما توفره من عيشه جيده ومرتب لا باس به وفرص عمل كثيره للمتواجدين بها بطرق شرعيه او غير شرعيه.
في خلال تواجدي في قبرص رأيت بعض مع المصريين والعرب الذين يعملون هناك في مجال الزراعة والمطاعم والكل كان لا يشتكي من اي نوع من الاضطهاد او عد متوافر العمل، فكان رأي البعض انها البلد المناسب كبد ايه لهم حتي تحقيق أحلامهم بالذهاب الي الولايات المتحدة او كندا، وقال البعض انهم كانو في بلاد مثل فرنسا وإيطاليا وان فرص العمل هنا مفتاحه ومتوفرة عن فرنسا وإيطاليا، وان العمل متوفر بشكل مستمر وليس موسمي في بعض البلاد، فقال لي أ.محمد انه تخرج من كليه التجاره ليجد ان لا عمل له، فقرر السفر الي فرنسا، وقد رأي هناك ان البلد فقط اسم، اي ان العمل بها في مجال البناء وهو متوفر في بعض اشهر السنه فقط وباقي الفترة يصرف ما جناه من مال، وما يتدخره سوف يصرفه بعد ٥ سنوات للحصول علي الاقامه، فبالتالي سوف يكون فقد ٥ سنين من عمره بدون اي جدوي، وان معظم المصريين والعرب في فرنسا بلا مئوي او عمل، فيلجئون الي بيع الأدوات المستعملة في الشارع، إنما هنا في قبرص العمل متوفر وبصفه مستمره ولا اري اي مضايقات من الشرطه بسبب تواجدي هنا بدون أوراق ولا مشاكل في العمل بسبب الأوراق، وأضاف انه يجب علي اي شاب التفكير جيدا قبل السفر لبعض البلاد، فبعض البلاد فقط اسم، يفكر الشباب بالسفر الي فرنسا او إيطاليا او اسبانيا فقط لاسمها مع ان اذا ذهب لبلاد اخري مثل قبرص او تركيا او كوريا او روسيا فسوف يجب فرص عمل افضل وفرص لجمع المال افضل من هذه البلاد،
هذا بالاضافة الي أراء اخري ايدت هذا الكلام، وقالت ان في بعض الدول مثل الولايات المتحدة معروفه كاسم فقط لاكن الفرص هناك قليله بسبب كثره الأيدي العاملة بها، فأصبح من الصعب الحصول علي عمل بأجر مجزئ كال بلاد التي يقل فيها الأيدي العاملة،
هذا ما أكده لي بعض الشباب هناك وما رايته هناك خلال فتره تواجدي، فعند تواجدي في اي مطعم اجد تأخير في تقديم الطلبات وعند سؤالي عن السبب كانت الاجابه لنقص الأيدي العاملة، وأنهم بحاجه الي مزيد من العمال والذي يجدون صعوبه في العثور عليها لان أهل البلد يلجؤن الي العمل بالوظائف الحكومية، فمن سيتخلي عن وظيفه جالسا خلف مكتب ويأخذ اخر الشهر ما لا يقل عن ٣٠٠٠ يورو لكي يعمل بيديه مقابل ١٠٠٠ الي ١٥٠٠ يورو،
وايضاً من المتوقع زياده صعوبه إجراءات الحصول الي الفيزا والاستثمار بعد انضمام قبرص الي اتفاقية الشنجن، لانه سوف يتمكن اي شخص حينها من الدخول الي دول الشنجن الاخري مثل بولندا وألمانيا والسويد بنفس فيزا قبرص الشنجن.

انتظرونا قريبا مع بلد جديده ورحله جديده، وفي انتظار أسئلتكم واستفساراتكم.
الهجرة العشوائية.

♥♥خطوات التقديم فى الهجرة العشوائية الى الولايات المتحدة الامريكية DV-2016♥♥

Welcome

♥♥خطوات التقديم فى الهجرة العشوائية الى الولايات المتحدة الامريكية DV-2016♥♥

 

اهم شئ هو الاحتفاظ بالكونفيرميشن لان بدونه لن تستطيع من معرفه النتيجه

بالتوفيق للجميع

تابعونا على صفحتنا على الفيس بوك
الهجرة العشوائية

www.facebook.com/ushgra

للراغبين ان نقوم بالتسجيل لهم او التعديل على صورهم او فحصها

اي حد عايز يعدل على الصورة بتاعته او يتأكد من اذا كانت مظبوطه ولا لاء يبعتلنا على الميل دة ويخلي عنوان الرساله "الصورة" او "Photo"

usa.dv.2016@gmail.com

اي حد عايز اننا نسجله في الهجرة يتفضل يبعتلنا الصور والبيانات على نفس الايميل ويخلي عنوان الرساله "تسجيل" او "Reg"

البيانات المطلوبه للى عايزنا نسجله
1.الاسم كما بجواز السفر
2.تاريخ الميلاد
3.مدينه وبلد الميلاد
4.الجنسيه
5.العنوان
6.رقم الهاتف
7.الايميل
8.المؤهل
9.الحاله الاجتماعيه
10.عدد الاولاد

--------- الشخص اللى متزوج لازم يبعت بيانات الزوجه نفس البيانات اللى مكتوبه فوق ----------

1.الاسم كما بجواز السفر
2.تاريخ الميلاد
3.مدينه وبلد الميلاد
4.الجنسيه
5.العنوان
6.رقم الهاتف
7.الايميل
8.المؤهل
 

  -------------------- بالنسبه للاولاد اقل من 18 سنه مطلوب البيانات الاتيه ---------------------
1.الاسم
2.تاريخ الميلاد
3.مدينه وبلد الميلاد
4.الجنسيه

-------------------- بالنسبه للاولاد اكبر من 18 سنه مطلوب نفس البيانات الاولى---------------

1.الاسم كما بجواز السفر
2.تاريخ الميلاد
3.مدينه وبلد الميلاد
4.الجنسيه
5.العنوان
6.رقم الهاتف
7.الايميل
8.المؤهل
9.الحاله الاجتماعيه
10.عدد الاولاد
 

تحذير هام بخصوص الهجرة

اولا خلي بالك لو اي بيدج او منتدي او موقع طلب منك فلوس عشان يسجلك دة اسمه نصاب, احنا عاملين البيدج عشان نخدم الناس مش عشان ناخد منهم فلوس, هيقولك احنا عارفين المواعيد اللى الناس بتكسب فيها, اعرف انه نصاب لان الاختيار عشوائي؟ عارف يعني ايه عشوائي؟؟ يعنى بالحظ مفيش حاجه ثابته,

الاختيار عشوائي, عايز تدفع فلوس لحد يبقي روح مكتب احسنلك على الاقل هيسجلك قدامك وهتكون ضامن انه سجلك لاكن متجزفش وتدي فلوس لحد متعرفهاش

بالتوفيق

معلومات في السريع عن هجره امريكا العشوائية 2015

معلومات في السريع عن هجره امريكا العشوائية، اقرأها كويس هتلاقي أجابه سؤالك هنا، ولو مش موجود اكتب سؤالك في تعليق، وبكرر اقرأ الموضوع الاول ولو ملاقتش أجابت سؤالك اكتبه ويهتم الاجابه عليه لانه مشغول بعمل ليكم شرح لكيفيه التقديم فهجاوب علي الأسئلة اللي مش موجود إجابتها هنا فقط،

وياريت كله يعمل شير عشان نقد نفيد اكبر قدر من الناس

بالتوفيق

*التسجيل في الهجره مجاني وبكرر مجاني اي حد يقولك بفلوس يبقي نصاب

*التسجيل بيكون علي النت

*بيفوز في الهجره كل سنه ١٠٠ الف شخص، بياخدو منهم في الاخر من. ٥٠ ل ٥٥ الف فقط، ومن مصر بيفوز من ٥ الي ٦ آلاف بياخدو منهم. ٣ آلاف الي ٣٥٠٠ شخص فقط

*الهجره السنه دي بتاعت سنه ٢٠١٦ يعني اسمها DV-2016

*التقديم يبدأ في اكتوبر ٢٠١٤ ويستمر لمده شهر

*النتيجه شهر مايو ٢٠١٥

*لو انت كنت من الفائزين فا المقابلات تبدا من اكتوبر ٢٠١٥ وحتي سبتمبر ٢٠١٦ حسب رقمك كام

*شروط التسجيل ان مؤهلك يكون ثانوي عام او ما يعادله يعني صنائع تجاري اي حاجه المهم اتميت ١٢ سنه في التعليم وحط خطين تحت ١٢ سنه دي

*سنك من الطبيعي هيكون ١٨ سنه لأنك هتدخل المدرسة وانت عندك ٦ سنين وهتدرس ال ١٢ سنه المطلوبين فهتكون ١٨ سنه والشروط بتقول ان السن يكون ١٨ علي الاقل

*اللي مؤهلك اقل من الثانوي او غير معلم يبقي لازم يكون عنده سنتين خبره في وظيفه مطلوبه في امريكا ويجيب شهاده خبره ويوثقها من الغرفه التجارية والخارجيه

*اللي متجوز بيقدم مرتين، الأولي باسمه وبي ضيف زوجته معاه، والتانيه باسم زوجته وبي ضيف نفسه معاها.

*اللي متجوز لازم يكتب بيانات الزوجه/الزوج والأولاد ويرفق صورهم وده اجباري في الاستماره

*اي تزوير في البيانات بيخليك تترفض، يعني كنت متجوز وكتبت اعزب يبقي هتترفض في المقابله، كنت اعزب وهو تجوز وكتبت انك متجوز قبل ما يكون معاك شهاده الجواز يبقي هتترفض، عندك اولاد ومش كتبتهم يبقي هتترفض

*لو مش عايز زوجتك او أولادك يسافرو معاك لازم تكتبهم برضو وبعد كده ميسافروش هما

*لازم تكتب الأولاد اللي اصغر من ٢١ سنه والغير متزوجين، لو الزوج او الزوجه عندهم اولاد من زوج او زوجه اخري لازم بتكتبو برضو

*لو كسبت لازم تبقي عارف حد هناك ده لسبب، قدام الحكومة انه هيساعدك وتقعد عنده او هيجبلك سكن ويساعدك لغايط ما تشتغل وبكده انت لاقيت حد يتكفل بيك ومش هتكون عاله علي الحكومة، بالنسبه ليك انت هتكون محتاجه عشان يبعتو ليك الورق عليه، لو متعرفش حد هناك بقي ده بيكون حوار طويل، لازم تحجز شقه لمده مش اقل من شهرين ويكون معاك فلوس تكفيك لمده ٦ أشهر هناك

*في ناس بتسال اذا كان لازم الواحد يبقي عارف إنجليزي ولا لاء، الاجابه لا مش لازم بس من غير لغه مش هتعرف تشتغل هناك، لأكن من حقك تاخد كورس إنجليزي هناك مجانا بس طبعا هياخد وقت وانت عايز تشتغل عشان متصرفش كتير فاتعلم انجليش أحسن من هنا

*الحكومه الامريكيه مش بتقدم اي مساعات خالص، وحط تحت خالص شرطتين، يعني انت رايح المفروض ان الشخص اللي تعرفه هناك ده هيتكفل بيك او هتتكفل بنفسك، انت بتاخد أقامه بس مش اكتر

*لو انت مقيم خارج بلدك من حقك تقدم عادي

*لو انت في امريكا وأكسر فيزا من حقك تقدم

*لازم يكون معاك موقفك من التجنيد اما إنهاء خدمه او تأجيل او إعفاء، ولو تأجيل بسبب الدراسه لازم تكون في سنه أولي او تانيه او تالته عشان تاخد تصريح سفر وفي الإجازات بس إنما لو معاك الفيزا واه يبقي مش منحقك تصريح سفر وبالتالي هتروح عليك

*فوزك مش معناه حصولك علي التأشيرات فممكن يستغنو عنك في اي وقت او تترفض في اي وقت

*لو مليت الاستماره ورحت بعدها تعيش في بلد تاني عادي، لو كسبت هتعمل المقابله في البلد اللي انت فيها او اللي انت تحددها

*لو حد قدم وغير عنوان سكنه بعد كده عادي مش بياثر

صوره التقديم تكون. ٦٠٠*٦٠٠ بيكسيل وهنزله مواصفات كامله عنها قريب وممكن الواحد يتصور بدقن عادي وواحده تتصور بحجاب وهنزل أمثله ليه

*الاختيار عشوائي يعني مفيش فرق بين واحد ابيض او اسمر واحد بدقن او من غير دقن واحد مسلم وواحد مسيحي واحد معاه ثانوي وواحد معاه دكتوراه، الاختيار عشوائي وخط تحتها كام خط

*اللي بيسال انا مهندس او دكتور او محامي او محاسب هروح هناك اشتغل بشهادتي، أقوله لا طبعا لان شهادتك غير معترف بيها هناك انت هتشتغل في مطعم بنزينه سوبرماركت، اي شغلانه لغايه ما تعادل شهادتك او تدرس من جديد، وعشان تعادل الشهاده او تدرس من حديد لازم بكون معاك ايلتس او توفل في الانجليش فالأفضل تاخده من هنا عشان تكسب وقت

*ولو في اي حاجه جديده هنزلها علي طول

في انتظار اسالتكم

صفحتنا ع الفيس بوك

https://www.facebook.com/ushgra

شرح تعبئة استمارة DS-260 للهجرة والفائزين في قرعة 2015

السلام عليكم ورحمة الله تعالى وبركاته  .

شرح تعبئة استمارة

 DS-260

 للهجرة والفائزين في قرعة 2015

تنمم
 

وفي حاله وجود اى استفسار قم بوضعه هنا او فى البيدج على الفيس بوك

ويمكنك تحميل ملف بالشرح من هنا
https://docs.google.com/file/d/0B6N_IJOWQ7rKcFJ0cXZ1R3RWQU0/edit?pli=1